Duke filluar nga muaji prill, Autostrada Hangar nis një program të ri edukativ për fëmijë, i cili do të zhvillohet çdo të shtunë në Studion e Edukimit.

Ky program është konceptuar si një hapësirë ku fëmijët mësojnë përmes krijimit dhe përvojës praktike, duke punuar me vegla dhe pajisje profesionale për përpunimin e drurit, të certifikuara sipas standardeve evropiane të sigurisë për përdorim nga fëmijët.

Informata mbi programin

• Mosha: 6 – 14 vjeç
• Orari: Çdo të shtunë, 10:00 – 12:30
• Kohëzgjatja: 1 muaj (4 punëtori, gjithsej 10 orë program)
• Kohëzgjatja e një sesioni: 2.5 orë
• Datat e 4 punëtorive të para: (4 prill, 11 prill, 18 prill dhe 25 prill)
• Grupi: Programi 1-mujor zhvillohet me një grup prej 12 fëmijësh, të cilët do të bashkëpunojnë dhe krijojnë së bashku gjatë çdo punëtorie.
• Gjuha: Punëtoritë do të mbahen në gjuhën shqipe.

Pagesa

• 30 € në muaj për fëmijë
• 25 € në muaj për fëmijë – nëse regjistrohen dy fëmijë nga e njëjta familje
• 10 € pjesëmarrje ditore për një fëmijë

Çfarë do të mësojnë fëmijët

Përmes punës praktike dhe krijimit me duar, fëmijët do të:

• krijojnë lodra dhe objekte sipas imagjinatës së tyre
• mësojnë procesin nga ideja në realizim
• zhvillojnë bashkëpunimin dhe punën në grup
• përmirësojnë koordinimin sy–dorë dhe përqendrimin
• eksplorojnë në mënyrë praktike parimet e STEAM (Shkencë, Teknologji, Inxhinieri, Art dhe Matematikë)

Në një kohë kur fëmijët kalojnë shumë kohë para ekraneve, ky program ofron një hapësirë të shëndetshme ku imagjinata, mendimi dhe puna me duar zhvillohen së bashku. Përmes krijimit praktik, fëmijët ndërtojnë vetëbesim, durim, kreativitet dhe ndjenjën e arritjes.

Aplikimi

Prindërit mund të aplikojnë përmes këtij linku:
https://forms.gle/YMcheB2RpJY3n87B8

Vëmendje: Numri i fëmijëve për programin 1-mujor është i kufizuar (12 fëmijë për grup), prandaj ju inkurajojmë të aplikoni sa më herët.

Nëse grupi i parë plotësohet, do të organizohet edhe një grup i dytë në orarin e pasdites.