Autostrada Biennale u themelua nga Leutrim Fishekqiu, Vatra Abrashi dhe Barış Karamuço në vitin 2014.

Si i vetmi institucion i artit bashkëkohor në Prizren, Autostrada Biennale funksionon me dy shpejtësi:

Autostrada Biennale
Ekspozita Ndërkombëtare e Artit Bashkëkohor që zhvillohet çdo dy vjet që nga viti 2017

Autostrada Hangar
Hapësira e re e edukimit, prodhimit dhe ekspozitës në ish-bazën ushtarake të KFOR-it gjerman, tani ITP (Parku i Inovacionit dhe Trajnimit në Prizren).

Me këtë të fundit, ne kemi zgjeruar publicitetin e platformës sonë duke e konsideruar prodhimin e artit si një formë të qëndrueshme të të mësuarit dhe shkëmbimit që do të adresojë nevojat e komuniteteve.

Edicioni i 4-të i Autostrada Biennale Të gjitha imazhet do të zhduken, një ditë kuruar nga Övül Ö. Durmuşoğlu dhe Joanna Warsza u mbajt në vitin 2023 dhe u përhap në 3 qytete, në 17 hapësira në Prizren, Prishtinë dhe Mitrovicë, 30 artistë dhe rreth 83,314 vizitorë gjatë programit publik dy mujor, duke kontribuar në këtë mënyrë në zhvillimin e jetës kulturore dhe turizmit kulturor.