Jemi të nderuar që Komuna e Prizrenit na ka përzgjedhur si organizata më aktive e vitit 2025.
Ky vit shënoi një kapitull të veçantë për Autostrada Biennale. Krahas edicionit të pestë të Bienales, vazhduam punën afatgjate për renovimin dhe riaktivizimin e Shtëpisë Shani Efendi, duke rikthyer një hapësirë historike në përdorim publik. Gjatë gjithë vitit, Autostrada Hangar – Qendra për Art Bashkëkohor qëndroi e hapur me ekspozita, punëtori, programe edukative dhe takime të përditshme me artistë, nxënës, studentë dhe komunitetin.
Për ne, rëndësia nuk matet me numrin e aktiviteteve, por me vazhdimësinë: me të qenit aty çdo ditë, me dyer të hapura dhe hapësira për mësim, shkëmbim dhe kujdes.
Ky vlerësim u përket të gjithëve që besojnë se kultura ndërtohet ngadalë, me përgjegjësi dhe përkushtim - çdo ditë, së bashku.
Innovation and Training Park (ITP) Prizren
Ukë Bytyçi
20000 Prizren, Kosovo
