Përmes përdorimit të mediave të ndryshme, praktika e Karllo synon të kuptojë paradokset sociale dhe politike të shoqërisë përreth tij, duke krijuar situata të qarta që nënkuptojnë kushte të ngurta. Vendet kanë një rëndësi të madhe për artistin: ato ruajnë kujtesën dhe energjitë e gjithçkaje që kanë parë në të kaluarën dhe vazhdojnë të reflektojnë atë histori në një formë të fiksuar në të tashmen. Ish-burgjet e Prizrenit hapin dyert për veprën e Karllo-s.

Ato përcjellin ngjarje dramatike, me muret e tyre që ruajnë fragmente të errësirës së përjetuar nga të tjerët, por që tani arrijnë tek ne. Mure që simbolikisht janë në qendër të aktualitetit politik. “Historia e mjerimit dhe prekja e fundit mbi Rrugën e Qumështit” është një projekt kompleks që fokusohet në përvojën që vizitorët kanë në një vend. Një gjenerator elektrostatik Van de Graaff aktivizohet kur publiku afrohet, dhe kontakti i drejtpërdrejtë bën që flokët tuaj të ngrihen, duke manifestuar kështu energjitë latente të burgjeve. Por ka edhe një pjesë tjetër të projektit. Do të prodhohen dy libra të ndarë, i pari do të dokumentojë përvojat e jetuara nga vizitorët gjatë ekspozimit, ndërsa i dyti do të ndërtojë një kujtesë epidermale të vendit. Duke përdorur teknikën e frottage-it, artisti do të bëjë kopje të sipërfaqeve të mureve të burgut, gjurmët e të cilave, të printuara me teknikën linoleografike, do të përbëjnë faqet e vëllimit të dytë.

Beatrice Ciampa