Fluturat e Majit kanë mbushur Autostrada Hangar me ngjyra, imagjinatë dhe shumë energji krijuese.

Këtë muaj kemi vazhduar punëtoritë me dy grupe fëmijësh, ku Studio e Edukimit është kthyer në një hapësirë plot përqendrim, kureshtje dhe krijim me duar.

Në fotografi shihen momentet e procesit:

fëmijët duke punuar me dru, duke përdorur makinat për përpunim, duke eksperimentuar me forma, duke ngjyrosur dhe duke i dhënë jetë fluturave të tyre përmes imagjinatës.

Secila flutur është ndryshe.

Secila bart ngjyrat, idetë dhe botën e vogël të fëmijës që e krijoi.

Për ne, pjesa më e bukur është të shohim se si një ide fillon ngadalë të marrë formë, me durim, vëmendje dhe shumë gëzim gjatë procesit.

Fluturat e Majit e kanë zbukuruar pranverën dhe Autostrada Hangar në mënyrën më të bukur të mundshme.

Dhe ne tashmë mezi po e presim punëtorinë e radhës javën e ardhshme.

Foto: Erza Bata | Ekip i Medias nga Autostrada Biennale