Instalimi “Pyetja e Strehimit” përshkruan realitetin e punëtorëve emigrantë romë dhe punëtorëve të tjerë të pasigurt nëpërmjet tri rasteve të studimit në qytete të ndryshme evropiane: Beograd, Helsinki dhe Romë. Ai pasqyron në mënyrë kritike çështjen e akumulimit të kapitalit të arritur përmes shpronësimit të tokës dhe ekspozon lidhjen e këtyre proceseve në racizëm. Dy videot e integruara në instalim, Belleville dhe Gazela, dolën nga protestat e familjeve rome pas dëbimit të detyruar dhe shkatërrimit të shtëpive të tyre nga qeveria e qytetit dhe për hir të punimeve ndërtimore të lidhura me manifestimet sportive Universiade 2009, në Beograd.

Pas rrëzimit dhe prishjes së një vendbanimi rom në Helsinki, në vitin 2011, Rädle & Jeremić ftuan aktivistët, politikanët dhe teoricienët të marrin pjesë në një diskutim publik për mundësinë e ndërtimit të një rrjeti transurban të “hoteleve për punëtorët e pasigurt” në qytetet evropiane, si dhe një sërë propozimesh për vendosjen e parimeve të përgjithshme për zgjidhjet e strehimit lokal që do të realizoheshin në Helsinki dhe gjetkë në Evropë. Videoja “Agjenda e Strehimit” paraqet parimet kryesore lidhur me çështjen e dhënë.

Në mënyrë që të zhbëhet modeli i mirëqenies së orientuar drejt tregut dhe komercializimi i shërbimeve publike, Rädle & Jeremić tregojnë sistemin e pabesë të zhvilluar në qytetin e Romës, ku romët janë vendosur në vendbanime të getoizuara dhe të monitoruara nga rojet e sigurisë. Videoja“Pyetje e strehimit” thekson vazhdimësinë e politikave raciste ndaj romëve, duke e vendosur fjalimin e tyre në mjedisin e njohur historik të qytetit dhe vendeve tjera në Romë, si: Casilina 700 dhe 900, ku vendbanimet janë shkatërruar dhe banorët e tyre janë zhvendosur në kontejnerë.