Monumenti në Lëvizje, 2021

Artist: Alban Muja

Venue: Sheshi i Lidhjes

Alban-Muja_001

“Kam lindur në Jugosllavi dhe jam rritur nën regjimin e aparteidit të Millosheviqit. Deri sa mbusha 18 vjet, kur e fituam lirinë, jetuam në një gjendje të përhershme krize.” Alban Muja u rrit në Mitrovicë me babanë artist që dizajnonte billborde dhe reklama për të mbijetuar dhe për të mbështetur familjen. Puna e tij nuk lejohej të shfaqej në institucione.

Muja ka punuar rreth fragmenteve të subjektiviteteve politike dhe shoqërore që e kanë ndërtuar atë dhe të kaluarën e tij, në përpjekje për të kuptuar tablonë e plotë nga kënde të ndryshme, duke ndërlidhur detaje të ndryshme me të tashmen, në filmat, fotografitë, pikturat, vizatimet dhe video-instalacionet. Vepra e tij e re, e punuar për Autostrada Biennale, tregon gjendjen aktuale dhe të ardhmen e monumenteve nga periudha jugosllave në Kosovë dhe mënyrat konfliktuale se si janë të ndërtuara sot hapësirat publike. Për të nxitur një diskutim aktiv publik rreth këtyre pyetjeve—që janë një brengë e madhe për shumë qytetarë kosovarë—Muja përqëndrohet në një monument të barazisë dhe përparimit, i zhdukur papritmas nga qendra e qytetit të tij të lindjes. Sot e kësaj dite, gjendja dhe statusi i monumentit mbetet i panjohur. Një kopje fantazmë tani rishfaqet në Prizren, e vendosur në piedestalin rrethor të një monumenti antifashist të solidaritetit në qendër të qytetit, që u shkatërrua gradualisht pasi Millosheviqi erdhi në pushtet. Muja planifikon ta kthejë monumentin në vendodhjen e tij origjinale në Mitrovicë.

Alban Muja (1980) ka lindur në Mitrovicë, jeton në Berlin dhe Prishtinë.

Other Exhibitions
Newsletter

Subscribe to our newsletter to receive news, cool free stuff updates and new released products (no spam!)