Patëm kënaqesinë ta mirëpresim ambasadorin francez në Kosovë, z. Olivier Guérot, në hapësirën tonë Autostrada Hangar javën e kaluar. I shoqëruar nga një delegacion i ambasadës franceze, nga Donato Giuliani dhe Valon Ibraj, ata u pritën ngrohtësisht nga bashkëthemeluesit dhe drejtorët e Autostrada Biennale, Leutrim Fishekqiu, Vatra Abrashi dhe Baris Karamuco, si dhe nga partnerët tanë vendas, Veton Nurkollari dhe Linda Llulla nga Dokufest.

Ambasadori francez dhe ekipi i tij vizituan ekspozitat tona aktuale dhe u informuan për përgatitjet për edicionin e katërt të ardhshëm të Autostrada Biennale.

Jemi të lumtur t'ju njoftojmë se do të bashkëpunojmë me ambasadën franceze në Kosovë dhe do të shfaqim artistë pjesëmarrës nga Franca në edicionin tonë të ardhshëm, i cili do të zhvillohet nga 7 korriku deri më 9 shtator 2023 në Prizren, Prishtinë dhe Mitrovicë.