Këtë javë patëm kënaqësinë të mirëpresim Zëvendësministren e Ministrisë së Kulturës dhe Turizmit, Nora Arapi Krasniqi, në Autostrada Hangar – Qendra për Art Bashkëkohor.

Së bashku me bashkëthemeluesit e Autostrada Biennale, Vatra Abrashin dhe Leutrim Fishekqiun, vizituam ekspozitat aktuale dhe biseduam për rolin e artit bashkëkohor në nxitjen e dialogut, kreativitetit dhe angazhimit me komunitetin.

Autostrada Hangar vazhdon të jetë një hapësirë e gjallë për artin, kulturën dhe shkëmbimin e ideve, duke mirëpritur vizitorë, artistë dhe bashkëpunëtorë gjatë gjithë vitit.

Aktualisht janë të hapura pesë ekspozita: "Historia e Autostrada Biennale", "Water Knows The Way", "Breathing Underwater", "Growing Islands" dhe "Në thellësinë e natës, qielli e sheh diellin".

Vizita ishte gjithashtu një mundësi për të shkëmbyer mendime mbi rëndësinë e artit dhe kulturës, si dhe për përgatitjet për edicionin e ardhshëm të Autostrada Biennale, i cili do të hapet vitin e ardhshëm.