La Cinematografia È L’arma Più Forte, 2003-07

Artist: Rossella Biscotti

Venue: Kinemaja Lumbardhi

Në vitin 2004, Biscotti pikturoi frazën “La Cinematografia è l’arma più forte” (Kinematografia është arma më e fortë) me ngjyrë të zezë në muret e Fondacionit Olivetti në Romë. Kjo ishte parulla e përdorur nga Benito Mussolini në vitin 1937, për hapjen e studios Cinecitta në Romë, e cila u ndërtua nga Ministria fashiste e Kulturës Popullore në mënyrë që të shfrytëzonte mediumin më të ri masiv si një mjet të fuqishëm propagandistik. Vetëm njëzet vjet para kësaj, Lenini deklaroi: “Nga të gjitha artet, për ne kinemaja është më e rëndësishmja.” Piktura në mur më vonë u shndërrua në një imazh që shfaqet në kinema para dhe pas shfaqjeve. Si një koment i fuqishëm mbi shoqërinë pas së vërtetës, veçanërisht në kontekstin e një Italie të sunduar nga manjati mediatik Silvio Berlusconi, ndërhyrja e Biscottit tregon për prodhimin e pajtimit nëpërmjet rrjedhës së vazhdueshme të imazheve në argëtimin e tanishëm. Ajo e vendos slloganin si një paralajmërim ironik në spektrin historik të makinerisë së propagandës në politikën botërore. Vepra e Biscottit është e drejtuar drejt zhvendosjes dhe rishkrimit të kujtesës kolektive. Artistja është e fascinuar nga hendeqet që ekzistojnë mes këputjeve historike dhe i bën ato të dukshme përmes skulpturës, zërit dhe filmit. Intervenimet e saj ndodhin në terrene të ndryshme historike dhe territore gjeografike, për të treguar ndërthurjen e fashizmit dhe kolonializmit në shërbim të kontrollit të shoqërisë nga kapitalizmi. Vetërefleksiviteti i veprës La Cinematografia è l’arma più forte’s na rikujton faktin se: si dhe ku artistët e pozicionojnë vetën në pikat kritike të kthesës dhe e ndryshojnë historinë.

Rossella Biscotti (1978) ka lindur në Molfetta dhe jeton në Bruksel.

Other Exhibitions
Newsletter

Subscribe to our newsletter to receive news, cool free stuff updates and new released products (no spam!)